Durrës – Një konflikt për parkimin e një automjeti në zonën e Hamallajt ka përfunduar me plagosjen e rëndë të një 28-vjeçari, ndërsa policia ka arrestuar dy persona dhe ka shpallur në kërkim dy të tjerë.

Ngjarja

Sipas Policisë së Durrësit, ngjarja ka ndodhur më 20 gusht 2025, rreth orës 17:00, në fshatin Hamallë Sektor, Njësia Sukth, në zonën bregdetare të Adriatikut.

Konflikti nisi për parkimin e një automjeti pranë një zone plazhi dhe degjeneroi në dhunë fizike me sende të forta, e më pas në përdorim armësh zjarri.

28-vjeçari Liridon Rata, banues në Kolesjan, Kukës, mbeti i plagosur dhe u transportua menjëherë në spital, ku ndodhet jashtë rrezikut për jetën.

Autorët dhe masat e marra

Policia ka bërë të ditur se:

✅ Arrestuar në flagrancë:
• Alfons Lekgegaj, 37 vjeç, banues në Hamallë – i dyshuar për “Vrasje me dashje, mbetur në tentativë, kryer në bashkëpunim” dhe “Mbajtja pa leje e armëve”.
• Armen Sabliqi, 18 vjeç, banues në Borakë, Shijak – i dyshuar për “Prodhim dhe mbajtje pa leje të armëve të ftohta”.

🚨 Të shpallur në kërkim:
• Altin Lekgegaj, 44 vjeç, banues në Hamallë – i dyshuar për të njëjtat vepra penale si vëllai i tij.
• Serxho Lekgegaj, 21 vjeç, banues në Hamallë – gjithashtu i dyshuar për “Vrasje me dashje, mbetur në tentativë” dhe “Mbajtje pa leje të armëve”.

Provate e sekuestruara

Gjatë veprimeve hetimore, policia ka sekuentruar dy thika dhe prova shkencore që pritet të ndihmojnë në dokumentimin e plotë të autorësisë së ngjarjes.

Ajo që dihet deri tani

Hetimet tregojnë se konflikti nisi pas debatit për parkimin e automjetit pranë zonës së plazhit që administrohej nga Alfons Lekgegaj. Pas përplasjes me sende të forta, ky i fundit, së bashku me vëllanë, nipin dhe një tjetër të ri, ka qëlluar me armë zjarri ndaj 28-vjeçarit, duke tentuar ta vriste.

Prokuroria ka regjistruar procedim penal për “Vrasje me dashje, mbetur në tentativë, kryer në bashkëpunim” dhe “Mbajtje pa leje të armëve”.