Sarandë – Dy vajza, 18 dhe 22 vjeçe, janë proceduar penalisht pasi akuzohen se kanë sulmuar fizikisht një të ri 19-vjeçar në një lokal në Ksamil.
Sipas njoftimit zyrtar, ngjarja ka ndodhur më 20 gusht 2025, kur shtetasi V. Xh., banues në Ballsh, ka deklaruar se është goditur me grushte dhe gurë nga shtetaset L. H., 18 vjeçe, banuese në Gjirokastër dhe B. M., 22 vjeçe, banuese në Sarandë.
Specialistët për Hetimin e Krimeve në Komisariatin e Policisë Sarandë kanë referuar materialet në Prokurori, ndërsa hetimet vazhdojnë për të zbardhur plotësisht rrethanat e konfliktit.
