Tashmë trofeu i EURO 2020 është në Romë! Pas 53 vitesh pritje tani italianët i gëzohen një Europiani të dytë.
Kombëtarja e Italisë menjëherë pas ngritjes së trofeut në “Wembley” pasi mposhti me penallti Anglinë, iu drejtua avionit për tu larguar me destinacion Romën me kupën në duar.
Italia mposhti me penallti kombëtaren angleze e cila asnjëherë në historinë e saj nuk ka mundur ta fitojë këtë trofe.
Në dalje nga avioni shihet Mançini dhe kapiteni Kielini të cilët të buzëqeshur ngrenë në qiell trofeun e shumëpritur.
Ndërkohë që tifozët italianë kishin mbushur pistën e aeroportit të Fiumiçinos në Romë me brohorima, entuziazëm dhe kore “Kampionët e Europës jemi ne!”.
