Vijon puna nga policia për kapjen e personave të shpallur në kërkim dhe vënien e tyre para përgjegjësisë penale.

Policia e Vlorës ka bërë të mundur arrestimin e shtetasit me iniciale M.N., 36 vjeç, banues në Sarandë. Ky shtetas ka shpërdoruar postin e tij si punonjës pranë Inspektoratit të Mbrojtjes së Territorit të bashkisë Himarë, duke lejuar ndërtimin e paligjshëm të disa objekteve në territorin e bashkisë Himarë.

Shtetasi M.N. ka bashkëpunuar gjithashtu edhe me tre shtetas të tjerë, R. H. dhe E. Z., të cilet janë arrestuar më parë nga policia, si dhe shtetasin Dh.B. i  shpallur gjithashtu në kërkim.

Njoftimi i Policisë

Specialistet e Seksionit për Hetimin e Krimit Ekonomik e Financiar në Drejtorinë Vendore të Policisë Vlorë, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin M. N., 36 vjeç, banues në Sarandë, me detyrë punonjës pranë Inspektoratit të Mbrojtjes së Territorit të bashkisë Himarë, pasi Gjykata e Rrethit Gjyqësor Vlorë i ka caktuar masën e sigurisë “Arrest në burg”, për veprën penale “Shpërdorimi i detyrës”.

Ky shtetas, në bashkëpunim me shtetasit R. H. dhe E. Z. (të arrestuar më parë) dhe Dh. B. (i shpallur në kërkim), ish punonjës pranë Inspektoratit të Mbrojtjes së Territorit të Bashkisë Himarë, gjatë muajit maj ka shpërdoruar detyrën, duke lejuar ndërtimin e paligjshëm të disa objekteve në territorin e bashkisë Himarë.