Një makinë është përfshirë nga flakët mëngjesin e kësaj të marte brenda tunelit të Kalimashit. Për pasojë ky tunel është bllokuar për disa minuta.

Automjeti që ka shpërthyer në flakë i përket një shtetasi amerikan që jeton në Serbi. Është dashur ndërhyrja e zjarrfikësve që flakët në makinë të shuhen.

Drejtuesi i makinës, në momentin që kanë shpërthyer zjarri doli nga mjeti dhe priti për forcat zjarrëfikëse.

Për fat të mirë nuk ka dëme në njerëz, përveç atyre materiale, ndërkohë që deri në shuarjen e zjarrit, ekspertizës dhe largimit të automjetit, korsia e rrugës së Kombit Kukës-Tunel ka qenë e bllokuar nga kolona e mjeteve. Aktualisht qarkullimi është kthyet në normalitet dhe është i lirë.