Një ngjarje e rëndë është regjistruar në lagjen “Çlirimi” të Lushnjës, ku është gjetur i pajetë shtetasi F. Gj., 44 vjeç, i dyshuar si i vetëvarur në një pemë.

Sipas Policisë, viktima ishte shpallur në kërkim më 21 gusht 2025, pas kallëzimit të bërë nga motra e tij për largimin nga banesa.

Materialet janë referuar në Prokurorinë e Lushnjës për vlerësim, ndërsa grupi hetimor po punon për sqarimin e plotë të rrethanave të ngjarjes.

Policia bën me dije se po vazhdojnë hetimet për të përcaktuar shkaqet dhe rrethanat që çuan në këtë ngjarje tragjike.