Vijon ndikimi i masave ajrore nga Afrika duke kushtëzuar mot të kthjellët dhe të nxehtë në të gjithë Republikën e Shqipërisë. Përjashtim bën vetëm skaji verilindor dhe juglindor ku pas mesditës do ketë vranësira kalimtare.

Sipas Meteoalb, sot temperaturat do të kenë një rritje të lehtë ku do të variojnë: në zonat malore, nga 20°C në 30°C, në zonat e ulëta nga 25ºC në 38°C dhe në zonat bregdetare nga 28°C në 39°C.

Këto kushte atmosferike mbeten prezent deri mëngjesin pasardhës.

Era do fryjë mesatare me shpejtësi deri 40 km/h, nga drejtimi Jugor, ndërsa në det të hapur krijohet dallgëzim mbi 3 ballë.