Fituesi i “Ferma VIP”, Dijonis Biba, është bërë sërish pjesë e vëmendjes publike, këtë herë për një arsye jashtë botës së televizionit.

Biba ka përfituar rreth 55,500 euro falë një basti prej 10 mijë eurosh të vendosur për fitoren e Kombëtares Shqiptare ndaj Serbisë në ndeshjen historike të zhvilluar në Leskovc.

Në mbrëmjen e ndeshjes, ai publikoi në “InstaStory” një foto të skedinës, shoqëruar me humorin e tij karakteristik:

“Kush e ka fut këtë biletë, more?”

Rezultati 0-1 për Shqipërinë i dha kuqezinjve tri pikë të rëndësishme dhe Bibës një fitim të konsiderueshëm financiar, duke e kthyer parashikimin e tij në një sukses të dyfishtë – sportiv dhe personal.

Ndërkohë, vlen të theksohet se bastet sportive janë të ndaluara në Shqipëri, dhe nëse loja është vendosur brenda territorit të vendit, mund të ngrejë çështje ligjore.
Megjithatë, historia e Bibës ka ngjallur interes dhe reagime të shumta në rrjete sociale, ku shumë ndjekës e kanë cilësuar “njeriun më me fat pas fitores së Kombëtares.”