Një aksident është regjistruar paraditen e sotme në fshatin Çiflig të Lushnjës, ku një furgon me turistë polakë është përmbysur në një kanal anës rrugës.

Mjeti po udhëtonte drejt Beratit, kur drejtuesi humbi kontrollin dhe doli nga rruga. Në automjet udhëtonin gjashtë persona, ndërsa katër prej tyre janë dërguar në spital, fatmirësisht jashtë rrezikut për jetën.

Policia njofton se shoferit polak i është bërë testi i alkoolit, por nuk rezultoi nën efektin e alkoolit.
Sipas të dhënave paraprake, shpejtësia e lartë dhe humbja e kontrollit të mjetit dyshohen si shkaqet e aksidentit.

Turistët e tjerë janë marrë nga një automjet tjetër turistik dhe kanë vazhd­uar udhëtimin drejt Beratit.
Për shkak të ngjarjes, trafiku në aksin Lushnjë–Berat u bllokua për rreth 30 minuta, duke krijuar radhë deri në 2 kilometra.