Fituesi i spektaklit “Ferma VIP”, Dijonis Biba, ka reaguar publikisht pas zërave që qarkulluan në rrjete sociale, ku thuhej se ishte arrestuar apo po hetohej nga policia, për shkak të një basti prej 55 mijë eurosh.

Gjithçka nisi pasi Biba shpërndau në Instagram një skedinë fituese, ku ishin vënë 10 mijë euro për fitoren e Shqipërisë ndaj Serbisë, me një fitim total prej 55 mijë eurosh. Pas publikimit të fotos, rrjetet shpërthyen me pretendime se basti ishte vendosur prej tij, duke ngritur dyshime për shkelje të ligjit, pasi bastet sportive janë të ndaluara në Shqipëri.

Por Biba vendosi të reagojë menjëherë, duke hedhur poshtë çdo akuzë. Në një postim në InstaStory, ai ka ripostuar foton e skedinës me mbishkrimin:

“Heu kush e ka fut kyt bilet more?”

Mbi të, ai ka shkruar:

“Në asnjë moment nuk kam thënë që e kam vendos un. Pse hapni panik kot.”

Me këtë reagim, Dijonis Biba ka sqaruar se nuk është ai personi që ka vendosur bastin, duke i dhënë fund spekulimeve për hetim apo arrestim.
Fituesi i “Ferma VIP” duket se po zgjedh të qëndrojë larg zhurmës, ndërsa rrjetet vijojnë të komentojnë historinë që u bë virale brenda pak orësh.