Presidenti i Egjiptit, Abdel Fattah al Sisi, ka përshkruar marrëveshjet e nënshkruara për Gaza-n si një hap drejt një epoke të re paqeje dhe sigurie në Lindjen e Mesme.

Al Sisi theksoi se përfundimi i luftës në Gaza duhet të shënojë fundin e të gjitha konflikteve në rajon dhe se Egjipti do të organizojë një samit për rindërtimin e Gazës. Ai gjithashtu ripërsëriti mbështetjen për zgjidhjen me dy shtete, duke e cilësuar si rrugën e vetme për të realizuar aspiratat e popullit palestinez dhe izraelit.

“Paqen nuk e bëjnë vendet dhe shtetet, por njerëzit që besojnë se kundërshtarët e djeshëm janë miqtë e sotëm”, deklaroi Al Sisi gjatë prezantimit të Presidentit Donald Trump në ceremoninë e nënshkrimit, duke vlerësuar përpjekjet e tij për arritjen e armëpushimit.

Ky samit historik nënvizon rëndësinë e bashkëpunimit rajonal për stabilitet dhe përmirësimin e kushteve të jetesës në Gaza dhe në të gjithë Lindjen e Mesme.