Shkodra dhe gjithë komuniteti janë tronditur nga ndarja nga jeta e Arjan Krajës, punonjës i OSSH Shkodër, i cili humbi jetën pas tre muajsh në koma.
Arjani u transportua me urgjencë në spital pasi ndërhyri heroikisht për të shpëtuar dy fëmijë nga mbytja në detin e Velipojës. Falë guximit dhe veprimit të tij të shpejtë, fëmijët mbijetuan, por ai vetë pësoi dëmtime të rënda që nuk i lejuan rikuperimin.
Të afërmit dhe kolegët e kujtojnë Arjanin si një njeri të qetë, me shpirt të madh dhe gjithmonë të gatshëm për të ndihmuar të tjerët. Akti i tij heroik do të mbetet një shembull dhe një kujtim i paharrueshëm për Shkodrën dhe gjithë Shqipërinë.
