Një aksident rrugor ka tronditur paraditen e sotme hyrjen e Universitetit Europian në Tiranë, ku një motor është përplasur me një biçikletë, duke lënë të lënduar personat e përfshirë.

Dëshmitarët në vendngjarje raportojnë se përplasja ka qenë e fortë, ndërsa shërbimet e policisë dhe ambulanca kanë mbërritur menjëherë për të dhënë ndihmën e parë dhe për të transportuar të lënduarit drejt spitaleve.

Policia ka nisur hetimet për të zbardhur shkaqet e aksidentit dhe për të identifikuar përgjegjësit, ndërsa fluksi i trafikut në zonë është i vështirësuar për shkak të ngjarjes.