Ditën e shtunë, 18 tetor 2025, vendi ynë do të ndikohet nga masa ajrore të lagështa dhe të freskëta me origjinë perëndimore, duke sjellë moti të paqëndrueshëm në pjesën më të madhe të territorit.

Gjatë paradites parashikohen vranësira mesatare deri të dendura në zonat veriore dhe qendrore, ndërsa në jug moti do të jetë fillimisht me kthjellime dhe vranësira kalimtare. Me kalimin e orëve, vranësirat do të shtohen dhe reshjet e shiut do të përfshijnë gradualisht Lezhën, Shkodrën, Tiranën, Durrësin dhe Elbasanin, në formë shtrëngatash afatshkurtra.

Në zonat malore të veriut dhe juglindjes, reshjet do të jenë më të dendura, shoqëruar me stuhi të izoluara dhe rrufe. Pasditja sjell një përmirësim gradual të motit, kryesisht në qendër dhe jug të vendit, ndërsa në veri do të mbeten vranësira të herëpashershme.