Kastoria, Greqi – Një operacion i policisë greke ka çuar në sekuestrimin e 42 kg e 869 gramë marijuanë dhe arrestimin e katër personave, në një aksion kundër trafikut të drogës në kufirin greko-shqiptar.

Sipas Departamentit të Narkotikëve të Nëndrejtorisë së Ndjekjes dhe Hetimit të Krimeve të Kastorias, në operacion u përfshinë 2 automjete që nuk iu bindën sinjalit të ndalimit të policisë dhe u larguan, duke u përfshirë në një ndjekje në zonën rurale-pyjore të Kosturit.

Gjatë ndjekjes, dy çanta udhëtimi u braktisën nga pasagjerët e njërit mjet, përmbajtja e të cilave përmbante 39 pako me marijuanë, me një peshë totale 42 kg e 869 gramë. Më pas, shoferët dhe pasagjerët e të dy automjeteve u ndaluan dhe arrestuan në zona të Kozanit.

Mes të arrestuarve janë një grua 26-vjeçare dhe tre burra, të moshës 24, 29 dhe 44 vjeç, të gjithë shtetas grekë. Policia sekuestruar gjithashtu 2 automjete, 4 telefona celularë dhe 4 karta SIM. Vlera e drogës së kapur në tregun e paligjshëm vlerësohet rreth 686 mijë euro.

Hetimet për identifikimin e rrjetit dhe bashkëpunëtorëve të mundshëm vijojnë nga autoritetet greke.