Partia Demokratike ka vendosur të rikthejë Arben Ristanin për administrimin e proceseve zgjedhore në Shqipëri. Ish-kryetari i Komisionit Qendror të Zgjedhjeve (2009–2012) është një nga 6 kandidatët që konkurrojnë për 5 vendet vakante në Komisionin Rregullator të KQZ, ku afati i shprehjes së interesit mbyllet këtë të mërkurë.
Kandidatët me mbështetjen e PD-së janë:
• Arben Ristani, ish-deputet dhe ish-kryetar i KQZ;
• Helga Vukaj, aktualisht anëtare e Komisionit Rregullator, që rikandidon.
Nga ana tjetër, kandidatët me mbështetjen e PS-së janë:
• Ilirjana Nano, kryetare aktuale e Komisionit Rregullator;
• Dritan Çakaj, anëtar aktual i komisionit;
• Bledar Skënderi, kandidat i ri, ish-anëtar i KQZ deri në vitin 2020.
Komisioni Rregullator ka 5 anëtarë, prej të cilëve 3 zgjidhen me mbështetjen e PS-së dhe 2 me mbështetjen e PD-së. Mandati i anëtarëve aktual përfundoi këtë muaj, por për shkak të menaxhimit të procesit zgjedhor të pjesshëm në 5 bashki më 9 nëntor, komisioni i ligjeve ka vendosur që ata të qëndrojnë në detyrë deri pas zgjedhjeve.
Lista e kandidatëve për KQZ:
• Arben Ristani (PD) – kandidat i ri
• Helga Vukaj (PD) – rikandidim
• Dritan Çakaj (PS) – rikandidim
• Ilirjana Nano (PS) – rikandidim, kryetare
• Bledar Skënderi (PS) – kandidat i ri
