Gazetari Elton Qyno ka komentuar publikisht kërkesën e familjes së Ervis Martinajt për ta shpallur zyrtarisht të zhdukur, duke ngritur dyshime të forta për përgjegjësin e mundshëm të zhdukjes.

Qyno: “I vetmi që është i dyshuar për zhdukjen e Ervis Martinajt është Aldo Avdyli. Por, Martinaj është një nga personazhet që ka një interes të madh në publik.”

Sipas Qynos, kërkesa e familjes për shpalljen e Martinajt të zhdukur është një veprim procedurial, që u jep atyre mundësinë për t’u drejtuar gjykatës pas tre vitesh mungesë:

“Kërkesa e familjes së tij, është kërkesë procedurale për arsyen e zhdukjes së personit… që më pas ky vendim gjykate të çohet në Prokurorinë e Posaçme dhe në gjendjen civile të bashkisë për çregjistrimin e tij dhe kalimin e aseteve trashëgimore në emër të familjes.”

Qyno shtoi se Martinaj, përveç interesit publik, ka pasur edhe audiencë të madhe në shoëbiz dhe në lojërat e fatit, duke bërë që çdo foto apo lajm për të të jetë ndër më të lexuarit.

“Nëse ai shfaqet sot, duhet të ekzekutohet dy masa sigurie arrest me burg që ka, por unë mendoj se ai është zhdukur plotësisht,” përfundoi gazetari.

Ky koment i Qynos vjen në një moment kur hetimet për zhdukjen e Martinajt janë në një fazë të ndjeshme, ndërsa publiku pret zhvillime të reja nga Prokuroria e Posaçme.