Kryeministri Edi Rama ka ndarë një seri fotosh nga pjesëmarrja e tij në Samitin e Procesit të Berlinit, i cili u mbajt dje në Londër.
Në postimin e bërë në Facebook, Rama ka publikuar momente nga takimet me liderët ndërkombëtarë, ku ndër temat kryesore të diskutimit ishin bashkëpunimi mes vendeve të Ballkanit Perëndimor, rritja ekonomike, siguria dhe perspektiva europiane e rajonit.
Gjatë samitit, kreu i qeverisë shqiptare është takuar me Mbretin Charles III, kryeministrin britanik Keir Starmer, si dhe me kancelarin gjerman Friedrich Merz.
“Mirëmëngjes dhe me foto-albumin e ditës së djeshme në Londër, në Samitin e Procesit të Berlinit, ku Shqipëria ishte pjesë aktive e diskutimeve për bashkëpunimin rajonal, rritjen ekonomike, sigurinë dhe rrugën drejt anëtarësimit europian, ju uroj një ditë të mbarë,” – ka shkruar Rama në postimin e tij.
Samiti i këtij viti shënoi një tjetër hap në procesin e afrimit të Ballkanit Perëndimor me Bashkimin Europian, duke theksuar nevojën për bashkëpunim praktik dhe projekte të përbashkëta ekonomike e infrastrukturore në rajon.
