Policia e Vushtrrisë ka ndërmarrë një operacion pas marrjes së informatave për të shtëna me armë zjarri, duke lokalizuar dhe ndaluar për kontroll një veturë me targa vendore në fshatin Shallcë.

Gjatë kontrollit të automjetit, forcat e rendit gjetën dhe sekuestruan armë dhe municion: një armë e gjatë pushkë automatike, dy pistoleta dhe 38 fishekë të kalibrave të ndryshëm.

Pas intervistimit, dy personave të dyshuar u është caktuar masa e ndalimit policor prej 48 orësh, me aktvendim të prokurorit. Ndaj tyre janë inicuar rastet për veprat penale “Mbajtje në pronësi, kontroll ose posedim i paautorizuar i armëve” dhe “Përdorim i armës”. Hetimet për zbardhjen e plotë të ngjarjes vijojnë.