Ndonëse në vendin tonë nuk janë konfirmuar raste të variantit të ri Delta, kryeministri Edi Rama iu ka bërë thirrje qytetarëve që të vaksinohen, për t’iu paraprirë çdo rreziku të mundshëm.

Sipas kryeministrit Rama, varianti “Delta” është shqetësues, pasi përhapet në mënyrë të shpejtë dhe për ta parandaluar duhet që qytetarët të vaksinohen.

“Për tu mbrojtur nga varianti i ri është e rëndësishëm që të vaksinohemi.Po ju flet një i vaksinuar, ja ku jam dhe kjo vlen për ata që janë skeptik, apo janë pre e teorive të konspiracionit.

Ne duhet të bëjmë gjithçka që kemi në dorë që edhe ata të kapërcejnë hendekun e konspiracionit”, tha Rama.

Kreu i qeverisë tha se varianti i ri i virusit është agresiv dhe i rrezikshëm.

“Ajo që vlen për t’u nënvizuar si mesazh sot është përtej faktit që Shqipëria ka ecur jashtëzakonisht mirë, dhe është botërisht e klasifikuar në vendet e para sa i përket efikasitetit të këtij varianti të ri. Është variant agresiv, përhapet shpejt. Është i rrezikshëm kur kap ata të cilët janë të pavaksinuar. Vaksinimi se bën 100% ë paprekshëm nga virusi, por e bën të dobët përballë individit. Në ato raste kur preket një i vaksinuar, shanset për të shkuar në spital janë zero dhe simptomat janë të administrueshëm, pa dhimbje dhe vuajtje. Prandaj për t’u mbrojtur nga varianti i ri, të vaksinohemi, të vaksinohemi. Këto po ju flet një i vaksinuar, ja ku jam, s’kam asnjë problem. Kjo vlen për ata që vijojnë të jenë spektikë. Është me rëndësi që ne të bëjmë gjithçka që kemi në dorë, dhe ata ta kapërcejnë hendekun e konspiracionit.”, tha Rama.