Në emisionin ‘Canape’ me Shpend Lipën, DJ Gimbo, miku i ngushtë i fituesit të Big Brother VIP, Gjesti, ka rrëfyer për rrugëtimin e tij muzikor dhe marrëdhënien me këngëtarin, duke zbuluar edhe detaje nga periudha e vështirë që ka kaluar Gjesti kohët e fundit.

Sipas Gimpos, Gjesti ka qenë gjithmonë një burim motivimi për të:

“Ai ka qenë arsyeja që kam punuar më shumë dhe gjithmonë kam besuar se së bashku mund të arrinim gjëra të mëdha. Jemi gjithmonë besimtarë se mund të shkojmë përtej.”

Intervista përfshiu edhe humorin e DJ-së, i cili hodhi poshtë çdo mundësi për të konkuruar në Big Brother:

“Nuk do të ishte e drejtë të fitonja dy herë,” tha ai, duke qeshur.

Por momenti më i ndjerë ishte kur Gimbo foli për humbjen e papritur të Eldionit, vëllait të Gjestit:

“Ishte një tragjedi që na tronditi të gjithëve. Zoti i mëshiroftë ata. Ngushëllime familjes,” tha ai, duke falënderuar edhe të gjithë ata që kanë qëndruar pranë mikut të tij.

Gimbo shtoi se Gjesti po përpiqet të përballet me dhimbjen duke kaluar më shumë kohë me familjen:

“Ai është duke e përballuar më mirë dhe rri pranë familjes së tij.”

Kjo ishte hera e parë që një person i afërt i Gjestit foli publikisht për gjendjen e tij, pas heshtjes që fituesi i Big Brother VIP ka mbajtur për një kohë të gjatë.