Producenti dhe moderatori i njohur Turjan Hysko ka folur së fundmi për marrëdhënien e tij me bashkëshorten, Orinda Huta, duke e përshkruar si shtyllën dhe mbështetjen më të madhe të jetës së tij.

Në një intervistë, Hysko rrëfeu se Orinda ka qenë gjithmonë një grua e veçantë dhe një mbështetje e palëkundur për të, që nga fillimet e tyre së bashku. “Orinda në paralel është qetësia ime, është një grua që ka një fuqi shëruese. Ka qenë shumë e bukur, shumë e suksesshme, mund të zgjidhte një jetë shumë më të lehtë. Më zgjodhi mua kur e kisha rrogën 800 mijë lekë. Ra në dashuri me mua dhe nuk u shkëput kurrë. Ndonjëherë fëmija kam qenë unë, jo ajo,” u shpreh Turjan.

Ai shtoi se marrëdhënia e tyre është ndërtuar mbi respekt, bashkëpunim dhe dashuri të sinqertë, duke theksuar se Orinda është një element kyç për stabilitetin dhe lumturinë e tij personale.