Modelja e njohur Vesa Vllasaliu ka konfirmuar për ndjekësit e saj se është në një lidhje me sulmuesin e Kombëtares shqiptare, Mirlind Daku. Pas një viti ruajtjeje të romancës private, Vesa publikoi foto të luleve që Daku i kishte dhuruar dhe disa imazhe nga momentet intime, duke i dhënë fund fshehtësisë.

Në rrjetet sociale, Vesa ka bërë të qartë se është “nuse në Gjilan”, duke iu përgjigjur një ndjekësi që e pyeti nëse do të martohet në Tetovë.

Mbrëmjen e sotme, modelja tregoi edhe mbështetjen për partnerin e saj gjatë ndeshjes së Kombëtares kundër Andorrës, duke publikuar një foto të një bebeje në “Instastory” dhe duke shkruar: “Forca Daja Mirlind”, duke shprehur dashurinë dhe inkurajimin për sulmuesin.

Çifti duket i lumtur dhe i hapur për ndjekësit, duke ndarë momente personale dhe dashuri në rrjetet sociale.