Një ngjarje e rëndë ka ndodhur në zonën e Selvisë në Tiranë në orët e para të mëngjesit, ku një 50-vjeçar, punonjës i kompanisë “ALUFLOR”, ka rënë nga lartësia, duke marrë plagë të rënda në trup dhe dëmtime në kokë.

Punonjësi u transportua urgjentisht në Spitalin e Traumës, ku ndodhet i intubuar dhe në gjendje kritike për jetën.

Aktualisht, inxhinierja e kompanisë, administratore e subjektit, Znj. Erjola Xheko, ndodhet në paraburgim. Burime nga Ora News bëjnë të ditur se një tjetër punonjës i “ALUFLOR” është aksidentuar tre muaj më parë.

Subjekti “ALUFLOR”, me seli në Durrës, u themelua më 25 shtator 2023. Autoritetet vijojnë hetimet për zbardhjen e rrethanave të aksidentit.