Presidenti i Ukrainës, Volodymyr Zelensky, ka zhvilluar një bisedë me homologun francez, Emmanuel Macron, për të diskutuar përpjekjet për paqen.
Në një postim në llogarinë e tij në X, Zelensky tha se ekipet e tij në Gjenevë po punojnë për të arritur rezultate konkrete, të cilat synojnë të afrojnë Ukrainën dhe Evropën me një paqë dhe siguri të besueshme.
Ai theksoi rëndësinë e koordinimit të qëndrimeve dhe dialogut diplomatik, duke shtuar se mbështeten te partnerët ndërkombëtarë që të dëgjojnë argumentet e Ukrainës.
