Qarku i Kukësit është zgjuar nën ndikimin e reshjeve të borës dhe shiut gjatë natës dhe orëve të para të mëngjesit, kryesisht në zonat mbi 500 metra lartësi. Sipas raportimit zyrtar të orës 08:00 të datës 28 nëntor 2025, Valbona është zbardhur me një shtresë dëbore që arrin deri në 10 centimetra.

Autoritetet bëjnë të ditur se subjektet kontraktore kanë punuar pa ndërprerje për pastrimin dhe kriposjen e akseve, duke siguruar që të gjitha rrugët nacionale të jenë të qarkullueshme. Deri më tani, bashkitë Kukës, Has dhe Tropojë nuk raportojnë asnjë situatë emergjente të shkaktuar nga moti.

I gjithë qarku furnizohet normalisht me energji elektrike, përjashtuar 39 abonentë në fshatin Llugaj, Njësia Administrative Llugaj në Tropojë, ku po punohet për rikthimin e energjisë. Furnizimi me ujë të pijshëm vijon sipas orareve të përcaktuara nga D.R.U.K. Kukës.

Kukësi hyn kështu në ditët e festave nën petkun e parë të bardhë të dimrit, ndërsa autoritetet vijojnë monitorimin e situatës