Sot shqiptarët festojnë Ditën e Flamurit dhe Pavarësisë, një nga datat më të shenjta të kombit, ku përkujtohet ngritja e flamurit nga Ismail Qemali në Vlorë më 28 nëntor 1912.

Mesazhe urimi për këtë ditë historike ka përcjellë edhe kreu i Partisë Lëvizja Pluraliste, Ilir Meta.

Në mesazhin e tij, Meta thekson rëndësinë e veprës së atyre që kanë dhënë jetën dhe sakrificat për lirinë dhe identitetin kombëtar:

“Gëzuar Ditën e Flamurit Kombëtar, simbolit më përbashkues, më të shenjtë dhe më të dashur për çdo shqiptar kudo ndodhet. Si çdo 28 Nëntor, përulemi me respekt dhe nderim të thellë para veprës së pavdekshme të Gjergj Kastriot Skënderbeut, Ismail Qemalit, Isa Boletinit dhe Adem Jasharit, që me qëndresë, sakrifica sublime dhe vizion mbrojtën identitetin dhe dinjitetin e kombit shqiptar.”

Meta rikujton gjithashtu rolin historik të Ismail Qemalit dhe Etërve të Pavarësisë, duke nënvizuar se patriotizmi dhe gjaku i derdhur për Flamurin Kombëtar duhet të mbeten “pishtari ynë i përhershëm”, udhërrëfyes në ruajtjen e lirisë, sovranitetit dhe integritetit territorial të Shqipërisë.

Mesazhi përfundon me urimet e tij për të gjithë shqiptarët:

“Gëzuar Ditën e Pavarësisë, Shqipëria jonë e dashur!”