Sali Berisha ka komentuar ditën e sotme pezullimin nga detyra të Belinda Ballukut, duke deklaruar se kjo e fundit, në bashkëpunim me Edi Ramën, po manipulojnë Kushtetutën. Sipas Berishës, neni 103/3 i Kushtetutës u garanton ministrave vetëm imunitetin e deputetit për mendimet dhe votat e tyre, ndërsa nuk ofron asnjë mbrojtje ndaj procedurave të pezullimit ose hetimit për detyrat ekzekutive.

Berisha tha se deklaratat e Ramës dhe Ballukut, të cilët pretendojnë se ministri nuk mund të pezullohet për shkak të imunitetit, përbëjnë një mashtrim të pastër politik me qëllim për të mbuluar përgjegjësitë dhe aferat korruptive. Ai theksoi se

Neni 103/3 i Kushtetutës i jep ministrave vetëm imunitetin e deputetit për mendimet dhe votat, jo mbrojtje ndaj pezullimit nga detyra ekzekutive. Çdo pretendim i kundërt nga Rama–Balluku është mashtrim i pastër politik për të mbrojtur vjedhjen e përbashkët!