Kreu i PD, Sali Berisha, deklaroi se anëtarja e partisë, Anila Aliaj, nuk është përjashtuar pas debatit të ashpër me Flamur Nokën. Edhe pse Aliaj në rrjetet sociale kishte shkruar se ishte larguar, Berisha e mohoi këtë, duke theksuar se Partia Demokratike është një forcë e hapur dhe e mendimit të lirë.
“Askush nuk mund të largojë asnjë anëtar apo simpatizant sepse i tha këto Berishës apo Nokës. Kjo nuk ekziston në këtë parti. Në rastin ekstrem, zonja ka rrugën e hapur për ankesë ndaj padrejtësisë që mund t’i është bërë,” tha Berisha.
Ai shtoi se Aliaj zgjodhi të fliste përmes mediave, por nuk ka asnjë vendim për përjashtim nga asnjë forum i partisë.
