Këngëtari shqiptar Shpat Kasapi do të varroset të dielën në orën 14:00 në Tetovë, njoftuan familjarët përmes rrjeteve sociale.

Kasapi ndërroi jetë më 26 nëntor pas një sulmi në zemër, në moshën 40-vjeçare. Homazhet do të mbahen ditën e shtunë, nga ora 12:00, në Pallatin e Kulturës në Tetovë, ndërsa më pas do të kryhet ceremonia e varrimit.

Shpat Kasapi hyri në tregun e muzikës që në fillim të viteve 2000 dhe u bë një nga yjet më të njohur të estradës shqiptare, duke lënë pas një trashëgimi të pasur muzikore.