Ngjarja makabre që tronditi Greqinë pak ditë më parë ka marrë përmasa edhe më të rënda, pasi mediat helene publikuan sot audio–incizimin e momentëve të fundit të 75-vjeçares, e cila u vra brutalisht nga nusja e saj 46-vjeçare.

Në regjistrim dëgjohet zëri i dridhur i të moshuarës, e cila i lutej autores të merrte gjithçka që donte dhe ta linte të gjallë. Ajo nuk e kishte njohur se gruaja që i kishte hyrë në shtëpi ishte pikërisht nusja e djalit të saj.

Dialogu tronditës para vrasjes

75-vjeçarja:
“Merre çfarë të duash, fëmija im… dhe shko. Të lutem, mos më lëndo.
Atje ku janë rrotat, merre dhe ik… nuk të pashë, nuk të njoh… ik, dashuria ime.
A ke ardhur të më vrasësh?”

46-vjeçarja:
“Ku janë paratë? Më jep paratë!”

75-vjeçarja:
“Të lutem, fëmija im… merr paratë dhe ik… a nuk ke nënë?
Pse do të më vrasësh? Merr çfarë të duash dhe më lër të jetoj…”

Kur e kuptoi se lutjet po binin në vesh të shurdhët, e moshuara nisi të recitonte lutjen “Ati Ynë”, mes frikës dhe përpjekjes së dëshpëruar për t’i shpëtuar jetën.

Tragjedia që tronditi Greqinë

Sipas autoriteteve, 46-vjeçarja kishte hyrë në banesë në kërkim të parave. Motivi dyshohet të jetë borxhi dhe konflikti familjar. Pas ngjarjes, ajo u arrestua, ndërsa komuniteti grek mbeti i shokuar nga brutaliteti dhe ftohtësia e krimit.

Hetimet vazhdojnë, ndërsa audioja e publikuar ka sjellë reagime të forta dhe indinjatë të gjerë për vrasjen çnjerëzore të 75-vjeçares.