Një person ka mbetur i plagosur rëndë mbrëmjen e së martës në Lezhë, pas një sulmi të dhunshëm në afërsi të një pike karburanti, në aksin rrugor Lezhë-Rrilë.

Sipas informacioneve paraprake, viktima është nxjerrë me forcë nga automjeti me të cilin udhëtonte dhe më pas është goditur me mjete të forta nga autorët. I plagosuri u transportua fillimisht në urgjencën e spitalit të Lezhës për ndihmë të parë, ndërsa më pas u dërgua drejt Spitalit të Traumës në Tiranë, për shkak të gjendjes së tij të rënduar.

Policia ka nisur hetimet për identifikimin dhe kapjen e autorëve, duke punuar gjithashtu për sqarimin e plotë të rrethanave dhe motiveve që çuan në këtë akt dhune.