Vdekja e papritur e Shpat Kasapit ka tronditur publikun dhe kolegët e tij, duke shkaktuar emocione të forta mes adhuruesve dhe artistëve. Ngjarja tragjike ka nxitur edhe një debat publik mes dy artistëve të njohur, Adelina Tahirit dhe Adelina Ismailit.

E ftuar në emisionin T7, Tahiri kritikoi Ismailin për faktin se ajo mbajti koncert natën kur u njoftua lajmi për humbjen e Kasapit. Sipas Tahirit, koncerti duhej shoqëruar me një gjest simbolik nderimi, si një minutë heshtje ose një fjalim i shkurtër për artistin e ndjerë.

“Unë e përgëzoj për arritjet dhe sukseset, por atë natë ishte dashur të mbante të paktën një minutë heshtje ose një fjalim të shkurtër… s’po them ta anulonte koncertin, por të kishte diçka aty,” tha Tahiri.

Ajo shtoi se mungesa e këtij gjesti ishte zhgënjyese:
“E mjerueshme që nuk e ka kujtuar fare.”

Deri tani, Adelina Ismaili nuk ka komentuar publikisht mbi deklaratat e Tahirit.