Një aksident rrugor është regjistruar në Rrugën e Arbrit, mbi “Urën e Vashës”, në hyrje të tunelit nr. 6. Ngjarja ka përfshirë një automjet dhe një furgon, ndërsa deri më tani nuk raportohet për të lënduar.

Sipas të dhënave paraprake, automjeti po udhëtonte drejt Tiranës, ndërsa furgoni po udhëtonte në drejtim të Dibrës kur ndodhi përplasja.

Forcat e policisë pritet të mbërrijnë në vendngjarje për të kryer verifikimet e para, ndërsa grupi hetimor do të përcaktojë shkaqet dhe dinamikën e aksidentit.