Drama jashtë shtëpisë së “Big Brother VIP Kosova 4” po rivalizon atë brenda, teksa vëmendja e publikut është përqendruar tek afrimiteti i krijuar mes banorëve Klodiani dhe Londrimi. Ndërkohë, një tjetër reagim ka zgjuar interesin e ndjekësve, këtë herë nga ish-e dashura e Klodianit, Michelle Veronesi.

Michelle ka publikuar në TikTok një video ku shihet duke ngritur dolli, ndërsa në mbishkrim shkruan me tone ironike:
“Po ngre dolli që nuk kam pse të shqetësohem për atë që bën ish-i im, sepse është në Big Brother duke u filmuar 24/7 dhe më etiketojnë vetëm në montazhet ku e shoqërojnë me një djalë.”

Postimi i saj shihet si një përgjigje direkte ndaj afrimitetit të shumëkomentuar midis Klodianit dhe Londrimit brenda shtëpisë. Dyshja është parë shpesh duke ndarë momente të ngrohta, përqafime dhe gjeste që kanë hapur një debat të gjerë në rrjetet sociale mbi natyrën e marrëdhënies së tyre.

Fansat tashmë po spekulojnë për raportin e tyre, duke krijuar edhe më shumë zhurmë rreth dinamikave të lojës. Videoja e Michelle-së është komentuar gjerësisht si një mesazh i qartë: ajo e ka mbyllur kapitullin me Klodianin, por ndjek me interes zhvillimet që po bëjnë xhiron e rrjetit.