Dita nis me mot të kthjellët dhe vranësira të lehta në zonat e ulëta dhe malore ndërsa zona përgjatë vijës bregdetare do të paraqitet me kthjellime.

Por mesdita dhe pasditja sjellin shpeshtim të vranësirave në vend, ndërsa shira të izoluar dhe të papërfillshëm sërish rrezikon zona e Alpeve Shqiptare.

Sipas Meteoalb, sot temperaturat do të kenë një rritje të lehtë ku do të variojnë: në zonat malore, nga 17°C në 29°C, në zonat e ulëta nga 22ºC në 36°C dhe në zonat bregdetare nga 25°C në 38°C.

Era do fryjë mesatare me shpejtësi deri 35 km/h, nga drejtimi Jugperëndimor, ndërsa në det të hapur krijohet dallgëzim 3 ballë.