Një libër i ri i titulluar “Menytë e njerëzve të famshëm – Si hante Josip Broz Tito” zbërthen kujtimet gastronomike të presidentit të RSFJ-së, duke treguar se si një lider i fuqishëm jetonte edhe si gurman i vërtetë.

Programi i tij ushqimor nuk ishte i zakonshëm: për secilin vakt që hante Tito, që shpesh tejkalonte sasitë normale, qëndronin mjekë dhe shefa kuzhine të nivelit të lartë. Branko Trbović, shef kuzhine dhe nutricionist personal i Titos për më shumë se tridhjetë vjet, përshkruan në libër menutë nga Shtëpia e Bardhë, anija Galeb, Treni Blu dhe rezidencat e tjera, duke bërë të qartë se dietat e tij ishin të planifikuara dhe të kontrolluara në çdo detaj.

Shembull i menusë së Titos:
• Mëngjesi: kafe e zezë (140 ml), krem i rrahur (20 g), bukë e bardhë (20 g), gjalpë (5 g).
• Ora 11:00: kofshë pule në supë (100 g) me bukë të bardhë (20 g) – 115 kalori.
• Dreka: gratin gjoks viçi (120 g) me vaj (5 ml), patate të pjekura (50 g), kërpudha Porcini në uthull (20 g), sallatë marule dhe lakër e kuqe me vaj (5 ml), bukë e zezë (20 g) dhe petulla me kumbulla për ëmbëlsirë – gjithsej 589 kalori.
• Ora 16:00: kos – 114 kalori.
• Darka: supë me mish viçi (150 ml), vezë e zier, shishqe pule e bardhë (50 g) dhe safalada (40 g), patate të skuqura (20 g), sallatë me lakër dhe piper turshi, mollë për ëmbëlsirë – 392 kalori.
• Ora 21:00: safalada (150 g) – 1605 kalori gjatë ditës, me 101.3 g proteina, 85.9 g yndyrna dhe 145 g karbohidrate.

Libri jo vetëm dokumenton ushqimet e preferuara të Titos, por edhe tregon lidhjen midis politikës, udhëtimeve dhe jetës së përditshme të figurave historike, duke bërë të qartë se edhe udhëheqësit e mëdhenj kishin një pasion për kulinarinë dhe menutë të kujdesshme.