Një operacion i zhvilluar nga Sektori i Antidrogës në Tiranë përfundoi me arrestimin e Ervin Kaftiraj, i cili u kap në një restorant të njohur në periferi të kryeqytetit.

Burimet nga terreni bëjnë me dije se gjatë kontrollit, uniformat blu i gjetën më shumë se 1 kilogram kokainë. Kaftiraj ishte nën vëzhgim disa muaj nga policia, e cila monitoronte lëvizjet e tij.

Sipas burimeve zyrtare, i arrestuari është i njohur për aktivitetin e tij me makina me qira luksoze dhe mjete retro në Tiranë.

Agjentët e Antidrogës po vijojnë hetimet për të identifikuar dhe personat e tjerë të përfshirë në këtë rrjet të trafikut të drogës.