Kryeministri izraelit, Benjamin Netanyahu, ka deklaruar se Irani ndodhet në një pozicion më të dobët krahasuar me Izraelin, duke theksuar përparimin e vendit të tij në planin strategjik dhe ushtarak. “Ne po punojmë për ta çuar Izraelin në një vend ku nuk ka qenë kurrë dhe Iranin në një vend ku nuk ka qenë kurrë. Ata janë në rënie, ne jemi në rritje”, tha Netanyahu.
Deklaratat e tij vijnë pas njoftimit të Presidentit amerikan, Donald Trump, i cili raportoi për zhvillimin e bisedimeve “shumë të mira dhe produktive” midis SHBA-së dhe Iranit për zgjidhjen e konfliktit. Trump gjithashtu urdhëroi një pauzë pesë-ditore në sulmet e planifikuara ndaj infrastrukturës energjetike iraniane, një masë që duket se ka ndryshuar dinamiken në rajon dhe ka shtuar tensionin diplomatik.
