Një 82-vjeçar është gjetur pa shenja jete pasditen e kësaj të mërkure në Klos.

Sipas Policisë, i moshuari, me inicialet E. M., ishte shpallur i zhdukur nga familjarët prej disa ditësh, ndërsa trupi i tij u gjet sot poshtë një shkëmbi, pas kërkimeve në terren.

Nga veprimet paraprake dyshohet se 82-vjeçari ka rrëshqitur aksidentalisht nga shkëmbi dhe për pasojë ka humbur jetën.

“Në vijim të informacionit të dhënë për largimin nga banesa të shtetasit E. M., 82 vjeç, banues në Klos, ju bëjmë me dije se:
Pas kërkimeve në terren, u bë e mundur gjetja e tij, fatkeqësisht pa shenja jete.
Nga veprimet paraprake dyshohet se 82-vjeçari ka rrëshqitur nga një shkëmb dhe për pasojë ka humbur jetën”, – thuhet në njoftimin zyrtar.

Grupi hetimor vijon punën për zbardhjen e plotë të rrethanave të ngjarjes.