Presidenti i Bjellorusia, Alexander Lukashenko, ka mbërritur në Korea e Veriut për vizitën e tij të parë zyrtare në këtë vend të Azisë Lindore.

Sipas agjencisë shtetërore bjelloruse Belta, Lukashenko u prit në Aeroportin Ndërkombëtar të Phenianit nga zv.kryeministri i parë, Kim Tok-hun, si dhe ministri i Jashtëm i Bjellorusisë, Maxim Ryzhenkov.

Gjatë vizitës dyditore, lideri bjellorus pritet të zhvillojë takime me udhëheqësin e Koresë së Veriut, Kim Jong Un, me synimin për të nënshkruar një traktat miqësie dhe bashkëpunimi mes dy vendeve.

Ministri Ryzhenkov deklaroi se marrëveshja do të shërbejë si bazë për thellimin e marrëdhënieve dypalëshe, duke përfshirë bashkëpunimin ndërmjet ministrive dhe institucioneve përkatëse. Ai bëri me dije se palët planifikojnë të nënshkruajnë rreth 10 marrëveshje, që do të forcojnë kuadrin ligjor të bashkëpunimit.

Vizita e Lukashenkos vjen pas ftesës së bërë nga Kim Jong Un vitin e kaluar, gjatë një takimi në Pekin, në kuadër të aktiviteteve për përvjetorin e përfundimit të Luftës së Dytë Botërore.