Teherani ka hedhur poshtë ofertën e Shteteve të Bashkuara për ndalimin e konfliktit dhe ka paraqitur pesë kushte që duhet të plotësohen për të arritur një armëpushim, raporton televizioni shtetëror iranian, duke cituar një zyrtar të lartë të regjimit.

Mes kërkesave kryesore të Iranit janë ndalesa e plotë e agresionit dhe e vrasjeve nga SHBA dhe Izraeli, krijimi i mekanizmave që garantojnë se lufta nuk do t’i imponojë më vendit, si dhe pagesa e dëmeve dhe kompensimeve të luftës.

Po ashtu, Teherani kërkon përfundimin e konfliktit në të gjitha frontet dhe të gjitha grupet e rezistencës në rajon, si dhe njohjen ndërkombëtare të të drejtës sovrane të Iranit mbi Ngushticën e Hormuzit.

Ky qëndrim i Teheranit pasqyron tensionet e larta në rajon dhe rrit presionin mbi diplomacinë amerikane për të gjetur një zgjidhje të pranueshme për palët.