Një automjet ka dalë nga rruga në aksin Gusmar–Nivicë, duke përfunduar në një terren të vështirë, raportojnë burimet zyrtare.
Në vendngjarje kanë mbërritur menjëherë Policia e Shtetit, Njësia Administrative Kurvelesh, shërbimi i Urgjencës dhe zjarrfikësit, të cilët nxorën drejtuesin e mjetit dhe e transportuan drejt spitalit.
Sipas informacioneve paraprake, drejtuesi ndodhet jashtë rrezikut për jetën dhe po merr trajtimin mjekësor të nevojshëm. Hetimet për shkaqet e aksidentit janë duke vijuar.
