Rikthimi i Big Brother VIP Radio në valët e Top Albania Radio ka sjellë jo vetëm diskutime për lojën, por edhe momente më intime nga banorët e formatit.

Gjatë një interviste, Rogerti e vendosi Edisa përballë një pyetjeje direkte mbi jetën sentimentale, duke e pyetur nëse ka gjetur dashurinë apo është ende në pritje.

Përgjigjja e saj ishte e sinqertë dhe e qartë: ajo u shpreh se, pavarësisht eksperiencave të kaluara, aktualisht është beqare, por pa ndjerë mungesë në jetën personale. “Beqare, por kurrë vetëm,” – theksoi ajo, duke lënë të kuptohet se ndihet e plotësuar edhe pa një partner.

Megjithatë, Edisa u tregua e rezervuar për të bërë publike një lidhje të mundshme në të ardhmen. Ajo nënvizoi se nuk do të zbulojë asgjë derisa të jetë e sigurt për personin e duhur, duke shtuar se vetëm një hap serioz, si një fejesë, mund ta bëjë të ndryshojë qëndrim.

E pyetur për tiparet që kërkon te partneri ideal, banorja nuk hezitoi: preferon një mashkull me sy jeshil, fizik të mirë dhe, mbi të gjitha, me karakter – një kombinim që, sipas saj, mbetet vendimtar për një marrëdhënie të qëndrueshme.