Një tërmet me magnitudë 3.8 të shkallës Rihter është regjistruar mëngjesin e sotëm në Shqipëri, duke shkaktuar lëkundje të ndjeshme në zonën qendrore të vendit.

Sipas të dhënave paraprake, epiqendra është lokalizuar mes Lushnjë dhe Elbasan, rreth 10 kilometra larg Lushnjës dhe 28 kilometra nga Elbasani.

Lëkundjet janë ndjerë për disa sekonda dhe kanë shkaktuar shqetësim te banorët, megjithatë deri në këto momente nuk raportohen dëme materiale apo persona të lënduar.

Autoritetet vijojnë monitorimin e situatës, ndërsa ekspertët theksojnë se bëhet fjalë për një tërmet me intensitet të moderuar, tipik për aktivitetin sizmik të zonës.