Një tjetër rast vjedhjeje është denoncuar në Tiranë, ku një i mitur dyshohet se ka marrë një sasi të konsiderueshme çokollatash nga një supermarket në zonën e rruga Xhanfize Keko.

Sipas pronarës së biznesit, djali ka hyrë në dyqan dhe ka fshehur produktet në trup, duke i futur në pantallona dhe poshtë bluzës, për të shmangur vëmendjen.

Për të mos rënë në sy, ai është interesuar edhe për pije alkoolike, duke krijuar përshtypjen e një blerjeje të zakonshme, por më pas është larguar pa paguar, duke marrë vetëm produktet e vjedhura.

Rasti vjen pak ditë pas një ngjarjeje të ngjashme pranë shkollës Harry Fultz, ku një tjetër i mitur u bë viral për vjedhjen e çokollatave në një kioskë.

Pronarja e biznesit u bën thirrje autoriteteve që të marrin masa për raste të tilla, ndërsa apelon edhe për më shumë kujdes nga bizneset, për të parandaluar incidente të ngjashme.