Një moment i veçantë dhe plot emocione u regjistrua mbrëmjen e djeshme në bulevardin kryesor të Tiranës, gjatë protestës që po zhvillohej.

Dy të rinj pjesëmarrës në tubim u bënë protagonistë të një skene romantike, kur djali vendosi t’i propozojë për martesë të dashurës së tij pikërisht në mes të protestës.

Mes duartrokitjeve dhe brohoritjeve të të pranishmëve, i riu u ul në gjunjë dhe i bëri pyetjen e shumëpritur partneres, e cila pranoi propozimin, duke sjellë emocione te pjesëmarrësit.

Çifti zgjodhi ta përjetojë këtë moment simbolik në protestën që prej 29 ditësh zhvillohet në Tiranë, ku pjesëmarrësit shprehen se kërkojnë ndryshim.