Një person i cili ishte gjetur në një nga rrugët në Tiranë në gjendje jo të mirë shëndetësore, ka ndërruar jetë në spital.

Sipas policisë, bëhet fjalë për një burrë, që dyshohet se ka qenë endacak, i cili u gjet në rrugën “Endri Keko”.

Blutë thanë se ai u gjet dhe u dërgua në spital nga punonjës të stafit mjekësor në kryeqytet, por nuk mundi të mbijetonte.

Nga këqyrja paraprake, nuk janë konstatuar shenja dhune në trupin e 55-vjeçarit, ndërkohë që policia po punon për sqarimin e rrethanave të ngjarjes.

Informacion Paraprak

Më datë 31.08.2021, në spital, ka ndërruar jetë një shtetas ende i paidentifikuar,  (endacak), rreth moshës 55 vjeç, i gjetur nga punonjësit e stafit mjeksor, në rrugën “Endri Keko”.

Gjatë kqyrjes paraprake nuk janë konstatuar shenja dhune. Punohet për sqarimin e rrethanave të ngjarjes.