Dita sot nis me vranësira të shpeshta dhe intervale të shkurtra me kthjellime në të gjithë vendin tonë. Mesdita dhe pasditja sjellin shpeshtim të vranësirave duke sjellë reshje të pakta shiu në zonat qendrore.

Me rrebeshe shiu, shoqëruar me shkarkesa elektrike dhe stuhi ere do të paraqitet Jugu dhe Juglindja e vendit.

Parashikohet që orët e natës të sjellin pauzë të reshjeve.

Sipas Meteoalb, sot temperaturat do të kenë një rrënie të lehtë ku do të variojnë: në zonat malore, nga 14°C në 23°C, në zonat e ulëta nga 21°C në 28°C dhe në zonat bregdetare nga 24°C në 29°C.

Era do fryjë mesatare dhe e fortë me shpejtësi mbi 50km/h, nga drejtimi Verior- Veriperëndimor, kjo do të bëjë që në brigjet detare të gjenerohet dallgëzim mbi 4 ballë.