Vijon ndikimi i motit të paqëndrueshëm ku vranësirat e shpeshta mbizotërojnë të gjithë republikën e Shqipërisë. Këto kushte atmosferike mbeten deri pasdite kur pritet zhillim i vranësirave duke sjell reshje shiu në vendin tonë. Herë pas herë në zonat verilindore do ketë dhe rrebeshe afat shkurtra.

Por mbrëmja dhe nata përmirësojnë graduallisht kushtet atmosferike në një pjesë të mirë të territorit megjithëse shirat mbeten të izoluar në zonat lindore.

Sipas Meteoalb, sot temperaturat do të pësojnë rënie të lehtë ku do të variojnë: në zonat malore, nga 10°C në 20°C, në zonat e ulëta nga 17°C në 25°C dhe në zonat bregdetare nga 19°C në 26°C.

Era do të fryjë e lehtë dhe mesatare me shpejtësi 30 km/h kryesisht nga drejtimi Verilindor duke sjell në brigjet e detit Adriatik dhe Jon dallgëzim 2 ballë.